Dictada Occitana, Valéncia 2012.
A VALÉNCIA, MAI DE DOAS CENTAS PERSONAS SON PASSADAS PELS ACTES DE LA DICTADA
Ongan avèm profietat lo jorn de la Dictada per faire diversas activitats culturalas tot lo long de la jornada. Lo matin a començat, a 11 oras, lo talhièr de dansas occitanas. Avem corregut l’Occitània tota, d’oest a est, e de sud a nord amb diverses ritmes e melodias: Burèias, rondèus, la Republicana… Lo mèstre de bal es estat l’especialista Vicent de Quart. Un ventenat de dansaires an practicat divèrsas modalitats de dansas de l’Occitània tota. Benlèu l’an que ven, a mai dau talhièr, se poirà faire ja una mòstra publica de las abilitats daus dansaires valencians sus lo folklore occitan. Esperem que sarà aital.
Al sèr, a 18h avem passat lo video PATRIMÒNI que mòstra la participacion de diverses intellectuaus e personalitats occitanas; amb aquò avem fait conèisser melhor la realitat occitana als valencians e valencianas. Aprés avem fait la Dictada. Avèm pas pres la tèxt oficiau, mais avèm profietat que veniá lo cantaire Primaël e avèm pausat una cançon dau sièu repertòri: Companh. Lo cantant meteis l’a dictada. Lo prèmi exaequo es estat per tres personas: Josep Antoni Moya, Josep Enric Peres i Blesa e Jesús Sanchis. Los ganhants an reçauput una colleccion de la revista Paraula d’Òc. A continuacion, Jem Cabanes, vengut ex professo de Barcelona, ha fait una conferéncia sus “Lo continuum occitano-catalan” ont nos a fait véser las relacions de la lenga tota, de Guéret a Guardamar. E, finfinala, aprés lo sopar, ont i aviá lo conse de Burjassot e diversas personalitats dau mond de la cultura, Primaël e Los del Tiwizi nos an regalat un bèl recital de cançons occitanas; val a dire que la cançon qu’a reçauput mai d’aplaus es estada lo Se canta, seguida da totes los presents. Avem profietat lo viatge, des de Tolosa de Lenga d’Òc, per preparar al grup una pichòta gira per diverses pòbles valencians: Sagunt, Almenara…
S’acabava lo dissabte de la Dictada, era nuèit avançada ja, veniá lo dimenge e las melodias occitanas encara sonavan al local de Ca Bassot; la jornada voliá pas s’acabar, benlèu un presagi. Avèm ja començat a preparar la Dictada 2013.
Associació Òc-Valéncia, 28-29 de genièr 2012
Cap comentari:
Publica un comentari a l'entrada